Next
आभाळाच्या भाळावरती
Saturday, March 06 | 12:00 PM
आभाळाच्या भाळावरती
कधी उमटते रेघ रुपेरी
कधी सावळ्या संध्याकाळी
सुवर्णतेजाची झळाळी...
अथांग बिंदूच्या अंताशी
खोल निळाई कधी दाटते
कधी मेघांच्या जडभाराने
आभाळाची आभा आटते...
भाळावरती कधी उमटते
रंगसप्तमी इंद्रधनूची
कधी वाटते पहाटसमयी
हीच पाऊले नव्या मनूची...
मिटता संध्या भाळावरती
खेळ खेळती चंद्रचांदणे
खुललेले आभाळ उधळते
नक्षत्रांचे अमोघ देणे...
- दिनेश गुणे
Feel free to share this article:
https://www.bytesofindia.com/P/RUIYCW